Esti nesım-i nev-bahar açıldı güller subh-dem

Esti nesim-i nevbahar açıldı güller subh-dem

Açsın bizim de gönlümüz saki meded sun cam-ı Cem


Erdi yine ürd-i behişt oldı heva anber-sirişt

Alem behişt-ender-behişt her guşe bir bağ-ı İrem


Gül devri ayş eyyamıdır zevk u safa hengamıdır

Âşıkların bayramıdır bu mevsim-i ferhunde-dem



Dönsün yine peymaneler olsun tehi humhaneler

Raks eylesin mestaneler mutribler ettikçe negam