Yine bezm-i çemene lale-füruzan geldi

Yine bezm-i çemene lâle fürüzân geldi
Müjdeler gülşene kim vakt-i çerağan geldi
Bülbül âşüftelenip bezme gazelhan geldi
Müjdeler gülşene kim vakt-i çerağan geldi

Çıkıp ikbâl ile gülzâbe şehin şâh-ı cihân
İltifat ile eder gülleri şâd ü handan
Lâlezâre gelir elbet yine sultân-ı zaman
Müjdeler gülşene kim vakt-i çerağan geldi

Seyrolup raksı yine dilber i mümtazların
Yine eflâke çıkar nâleleri sazların
Cânâ ateş bırakır şulesi âvazların
Müjdeler gülşene kim vakt-i çerağan geldi

Ney ü santur u rebâb ü def ü tanbur ile çeng var
Nagme-i bülbül-i kumriyye olup hem aheng
Pür eder âlemi şevk-u tarâbı rengâreng
Müjdeler gülşene kim vakt-i çerağan geldi