Söylemem raz-ı derunum sırr-ı mübhemdir gönül

Söylemem raz-ı derunum sırr-ı mübhemdir gönül
Gevher-i aşkınla pür-genç-i mutalsamdır gönül
Keşfolunmuş neyleyim ağyar ona biganedir
Bezm-i vuslatda nice esrara mahremdir gönül
Bir acaib vadi ki yokdur anda idrakin yeri


Semt-i sahra-yı melâmet başka alemdir gönül
Hakipay-ı al ü evlad-ı Habib-i Ekrem'im
Anınçün matem-efza-yı muharremdir gönül
Nuş eden bir katresin cam-ı dilin bulur hayat
Hızr u İsa'ya Zekai şimdi hemdem dir gönül