Ey şuh-i kerem-pışe dil-i zar senindir

Ey şuh-ı kerem-pişe dil-i zar senindir
Yok minnetin asla
Ey kan-ı güher anda ne kim var senindir
Pinhan u Hüveyda
Sen kim gelesin meclise bir yer mi bulunmaz
Baş üzre yerin var
Gül goncasısın guşe-i destar senindir
Gel ey gül-i rana
Neylersen edip bir-iki gün bar-ı cefaya
Sabreyle de sonra
Peymane senin hane senin yar senindir
Ey dil tek ü tenha
Bir buse-i can bahşına ver nakd-i hayatı
Ger kail olursa
Senden yanadır söz yine bazar senindir
Ey aşık-ı şeyda
Çeşman-ı siyeh mest-i sitem kakülü pür-ham
Ebrûları pür-çin
Benzer ki bu dildar-ı cefakar senindir
Biçare Nedima