Ey mihr-i la-yezalin mehtab-ı müsteniri

Ey mihr-i la-yezalin mehtab-ı müsteniri
Envar-ı kibriyaya sensin yegane mazhar
.
Zatınla zat-ı akdes olmuşdu zarf u mazruf
Dillerde ism-i pakin Allah ile beraber

Sensin nebi-i ümmi arif kemal-i Hakkı
Arif kemal-i zatın yalnız Huda-yı enver

Asr-ı sa'adetinde gelmek nasib olaydı
Görmüş olurdu billah, Allah'ı görmeyenler

Bin yıl çalışsa abid, ma'buduna erişmez
Vuslat-sera-yı Hakk'a aşkın yegane rehber

Mi'racım oldu canan, rü'yade iltifatın
Lütfet cemal-i pakin bi-dar iken de göster

Mahbub-ı müctebasın sultan-ı enbiyasın
Uşşaka reh-nümasın sen ey şefi-i mahşer

Siret ne söyleyim ben, meddah-ı Kibriyasın
Tavsife muktedir mi mehtab-ı germ-i ahter