Dil uyur mest olarak yar-ı dilara söyler

Dil uyur mest olarak yar-ı Dilara söyler
Gül susar şermederek bülbül-i şeyda söyler

Şeb-i Yelda da uzar fecre kadar kıssa-i aşk
Ta ki Mecnun bitirir nutkunu Leyla söyler

Ehl-i akl anlamaz efsüs lisan-ı dilden
Zanneder aşık-ı divane muamma söyler

Görmüş ayine-i safına o serv-endam
Cüy gülşende bu rü 'yasını hala söyler

Böyle beş beyti bu guyende redif üzre Kemal
Naili söylese bir alem-i mana söyler