Bir hıyabandır ki hasret kuy-i canandan geçer

Bir hıyâbândır ki hasret kûy-i cânândan geçer
Her geçen cânâna peyvest olmadan candan geçer

Cümle lezzetten lezîz iksîrsin ey zehr-i aşk
Zevki derdinden alan her ruh dermandan geçer

Meyve-i memnû'dan tadmak günâhından beri
Kârbân-ı aşk bitmez bir beyabandan geçer

Pîr olur Ya'kub bir savt-ı ceres gûş eylese
Mahfe-i Yûsuf sanır vâdi-i Ken'an'dan geçer

Dinlemekçün mâcerâ-yı hecri nâyından Kemâl
Mevkib-i yârân civâr-ı Beytü'l-ahzân'dan geçer